天欣三歲生日

11月29日(星期日)

天欣三歲喇!!! 之前有諗過去迪士尼慶祝, 但撞正琴日教會有活動, 所以放棄咗呢個念頭, 不過又好在, 因為琴日落咗成日"大"雨.

由於係星期日, 又係安息日, 當然唔會出街慶祝. 早上照例返教會. 晚上整咗個好簡單o既蛋糕, 唱完歌仔吹蠟燭.

婦女會家政活動 28/11/09

11月28日(星期六)

婦女會o既家政活動喺10點開始, 呢個活動主題, 係製作聖誕節倒數月曆, and聖誕聚餐.

就係呢兩款喇!! 我尋晚做到成點鐘呀...

7點起身準備吞拿魚沙律, 9點半返到教會準備. 先佈置聚餐的餐枱.

Caroline同Karine都買咗好多聖誕主題o既東東, 真係好有聖誕聚餐feel 

除咗我哋三個婦女會同工早到之外, Josee係第一個準時10點到達, 一來佢就住喺教會隔離, 二來佢真係個好守時o既人. 不過其他人就成10點20分先陸續到達, 呢d都係教友o既一個壞習慣....  

本來有25位姊妹報名, 但只有16位出席, 無論係手工材料定係食物, 都有剩好多. 所以有唔少姊妹都攞兩份材料, 因為兩個聖誕倒數月曆實在太靚喇!! 個個都想兩款都要.

大家都好專心工作, 想喺有限o既時間內完成. 見到大家做得咁開心, 又有咁多好o既feedback, 我呢三分一個搞手真係好開心, 好有成功同滿足感呀!!

努力工作中, 加油!!!

Karine話佢哋6點就起床準備食物, 真係好感動啊!!! Silvia都整咗haricot vert, 好豐富呢!!!

廚房實況

 

可惜, 老公下午要幫人安裝車房門, 我要2點返到屋企看住四隻馬騮仔, 所以唔可以留到最後食甜品. 聽講有buche glacee呢!! hmmm...yamyam...

驟雨後的彩虹

11月4日(星期三)

今日下午好得閒, 帶咗天悅, 天樂同天慰去踩單車.

去到學校附近無端端落雨, 喺涼亭等咗一陣, 好快又雨過天青, 仲出彩虹添!!!!

以前舊屋夠高, 好多時都見到彩虹. 今次係搬屋後第一次喺呢區見到.

見唔見到條彩虹呀???