第一日冇瀨尿

2011年4月28日(星期四)

呢幾日教天慰用痰罐疴尿尿, 又同佢包尿布 (俾佢知道乜嘢叫做濕濕),

頭幾日真係好難, 叫極佢都唔肯坐, 有時又坐成個鐘都冇得疴,

仲坐到恰眼訓中中吓添!!!

不過今日有咗重大o既改變, 因為天慰全日都冇瀨過尿呀!!!

Yeah....

好快可以慳返一大筆lu.

復活節 踩單車

2011年4月25日(星期一)

今日係復活節, 班細路最後一日假期.

一出門口, 週圍都迫滿車, 隔離左右好多人聲笑聲, 仲到處都聞到BBQ味, 真係夠晒熱鬧又香噴噴....

不過我哋就冇計劃要去邊度玩, 都係好似平日咁無無聊聊....  

見到人哋咁開心, 突然間有衝動想去行吓樹林 (la Forêt Bréviande). 因為個樹林唔係好遠.

老豆同阿媽唔識踩單車, 我哋用車去, 老公同班細路就踩單車, 之後响嗰度會合. ↓

第一次影七個人o既全家幅. ↓

呢兩隻馬, 每日都會响我哋屋企前面經過, 起初以為係d人學騎馬. 原來係樹林管理隊o既人, 日日騎住隻馬去巡邏.... 呢份工都幾好做喎!!! ↓

咁都俾老公發現條蟲, 真厲害. ↓

又係俾老公發現o既一千零兩棵 muguets, 老豆同阿媽幫我掘出嚟攞返屋企種. ↓

天禧訓咗成個下午. ↓

 

雖然唔係去好遠, 但係都消磨咗成三個鐘, 好開心呀!!! 

Clinique 餐單

2011年4月18日(星期一)

响呢間clinique, 我最鐘意佢哋嘅早餐, 雖然每日都係一模一樣, 但我諗我永遠都食唔厭. 有時無端端諗起, 都真係會流口水呢!!!

一壺熱奶+一包朱古力粉+一個新鮮勁脆嘅麵包, 再放埋牛油同果jam,  Hmm......

每週餐單 ↓

Jeudi midi ↓

Jeudi soir ↓

Vendredi midi ↓

Vendredi soir ↓

Samedi midi ↓

Samedi soir ↓

Dimanche matin ↓

原來星期日嘅早餐仲多隻牛角飽添

Dimanche midi ↓

照燈

2011年4月15日(星期五)

响香港, 通常係因為個 b太黃, 所以要去照燈.

估唔到, 紅卜卜o既天禧, 都話因為太紅, 而要去照燈.

淨係今日, 已經照咗早午晚三次, 每次照成兩三個鐘.

見到天禧訓响張床仔, 冇著衫, 遮住眼仔咁响d燈度照咁耐, 真係覺得好心痛....

不過其實都係為佢好啫, 希望佢唔覺得辛苦啦!!!

正式改名

2011年4月14日(星期四)

隆重宣佈, 本blog名正式由"四小福"改為"五小福".....

因為我家五福, 終於响今朝5點50分出嚟同大家見面喇!!!!!

Salut!! 我個名叫做Lucy 天禧, 請大家多多指教.

天慰剃頭

2011年4月12日(星期二)

人哋話細時將頭髮剃光, 之後再生出嚟o既會靚好多. 所以我哋屋企一直都有呢個剃頭習慣. 家中四小福, 大嗰三個都有剃光過, 天欣更加剃過兩次添!! 今日, 終於輪到天慰喇!!!

起初, 佢一直喊喊喊, 好唔鐘意, 又郁嚟郁去, 好可憐咁o既樣....

後來由tondeuse轉用剃鬚刀, 佢就冇再喊, 仲好乖咁任婆婆同爸爸刮呢!!!

剃光頭o既天慰妹妹真係好得意, 好似外星人呀!!!