La tarte aux mûres

2011年8月24日(星期三)

屋後面棵野生黑莓今年出咗好多呀, 可惜有好多刺, 唔係咁容易摘, 所以我都任得d莓熟到爛.

好在今年有阿媽幫手, 佢好好心機, 摘到冇停手

 

今日o既收穫


試吓整隻草莓批....


話咁快就過咗三十分鐘....


好好味呀!!!

2011收成篇 --- 翠玉瓜王

2011年8月23日(星期二)

終於收咗 lu.... 呢隻係我哋所種過o既翠玉瓜之中最大o既一隻. 之前成日估佢會有幾重, 今日終於有答案喇!!!

登   登  登 櫈......

係5kg.... 真係可以叫佢做瓜王呀!!!

我哋個個都爭住同佢影相呢....

估計最少可以食五餐

2011收成篇 --- 第二批蕃茄

2011年8月18日(星期四)

好多蕃茄都轉晒橙色, 仲跌左好多落地, 所以今日又收咗一批.

新鮮自家出品, 真係特別好食!!!

四個月

2011年8月14日(星期日)

一個月又過咗, 天禧已經有四個月大.

由三到四個月大, 呢短短o既一個月當中, 我發覺天禧最大o既轉變有以下三點 :

1) 嘈咗好多 --- 自已一個時都可以好嘈, 成日自言自語.

2) 左右手協調咗 --- 對於响佢前面o既嘢好有興趣, 一定出手去攞, 而且出手越來越快, 同越來越準.

3) 怕陌生人 --- 凡係有陌生人响佢面前望住或者叫佢, 都會首先眼定定望住人哋, 幾秒鐘後就大喊.

 

而家重6,2kg, 高59cm, 頭圍37.5cm

起C回生

2011年8月14日(星期日)

自從搬咗嚟呢度, 室內o既光冇以前咁犀利 (因為以前住九樓, 仲要係座北向南添), 我嗰兩盤紫羅蘭一直冇乜生氣, 由好大張葉變得越來越少葉, 因為d葉變黃, 剪剪吓就變得好細棵囉!!!  後來其中一盤仲C埋. 諗諗吓覺得唔對路, 試吓將淨返嗰盤移吓位, 放入我間房個窗口旁邊.

陽光對花草樹木都真係非常重要, 大約三個月後, 盤花由弱轉返強, 仲開始出花lum, 今日終於再次開花. Yeah, 真係好耐冇見喇!!! 好掛住你哋呀!!!

2011收成篇 --- 第一批蕃茄

2011年8月9日(星期二)

今日收咗幾隻蕃茄, 正常要剪橙色嗰d,

成抽剪咗落嚟先發現, 原來仲有隻青bb.

又有兩隻自己跌咗落嚟.... 失敗!!!

吮手指

2011年8月5日(星期五)

天禧終於搵到食喇!!!

之前未決定食邊隻好, 所以十隻都會食.

今日佢終於有決定喇, 就係 ---- 手指公.