2010年10月31日(星期日)
上年o既萬聖節, 天悅同天樂去拍門, 攞咗約2公斤糖.
本來諗住今年四小褔一齊出擊, 希望攞到最少4公斤.....
可惜!!!! 今日由於完咗教會之後有洗禮會, 晚上又被邀請去party,
所以連一粒糖都冇攞到, 真係人算不如天算.
哈!!! 唔緊要啦!!! 唯有寄望出年.....萬聖節2011!!!
2010年10月14日 星期四
Tonino生日會
2010年10月13日(星期三)
琴日係教會一個小朋友(Tonino)o既八歲生日, 我哋一家都被邀請出席佢o既生日會.
呢個就係主人翁 
呢個家庭來自厄瓜多爾, 响法國做Traiteur, 暫時唔知會留响度幾耐, 所以佢哋只係响一個camping租咗間mobile home, 唔經唔覺都住咗起碼四個月.
就係呢間mobile home
由於間mobile home好細, 我哋大約三十多人, 都留喺外面o既barbecue區.
除咗些小食外, Tonino爸爸整咗好多嘢食, 有燒雞脾, 自製麵包, 蛋糕, pizza同quiche等.... yummy!!! 大家一邊等食一邊傾計, 都幾開心. 不過由於係室外, 當個太陽開始晒唔到我哋時, 個個d衫都越著越厚.
Tonino爸爸就係佢喇 
食完嘢就切蛋糕 
個蛋糕都係Tonino爸爸親手整架
佢哋有隻狗叫Titan, 好鬼聰明, 又好貪玩, 成個party都要人陪佢玩"拋樹枝", 拋出去後, 好快又擔返嚟, 佢唔攰我哋都攰..... 
我哋由三點幾留到七點幾, 走時只得10度
2010年10月12日 星期二
豐衣足食 = 仲要乞食???
2010年10月11日(星期一)
話說, 我同老公最近每晚追緊"公主嫁到".
當公主講起話佢哋大唐有幾咁安定, 人人豐衣足食時....
老公問我 : 點解咁安定, 人人仲要乞食呀???
d音又係幾似喎!!! 
訂閱：
文章 (Atom)