天禧一歲喇!!

2012年4月14日(星期六)

上年o既今日, 係我o既受難日, 因為生天禧..... 一年後o既今日, 我哋一家好開心咁同天禧妹妹慶祝一歲生日lu....

由於天禧仲細, 我覺得禮物對佢嚟講係完全冇意思. 所以我決定要整隻好得意o既蛋糕送俾佢, 咁佢又可以食, 我哋又可以食, 大家都開心, 哈哈!!

我用咗好多時間去整呢隻蛋糕, 好彩效果都唔錯.

睇嚟天禧真係好鐘意bor!!

 

全家幅, 好開心!! 生日快樂呀天禧妹妹.... ^^

 

一歲o既天禧仲未識行, 不過就識爬, 識扶住d嘢企起身. 有兩隻牙仔, 好得意.

獵復活蛋日

2012年4月9日(星期一)

復活節之後o既星期一係公眾假期, 難得老公唔駛返工, 留低兩個細俾佢湊, 我自己帶走三個大.... 去邊?? 去獵蛋呀!!!  所謂獵蛋, 即係將d朱古力蛋收埋响唔同o既地方, 等d小朋友周圍去搵返出黎.

前兩日見到學校貼咗張海報, 話有獵蛋活動喎!! 日期: 9/4/2012  時間: 10h-12h  地點: Ecole de Jean de la Fontaine 同 Ecole Jules Verne 對象: 6-10歲兒童.


所以, 朝早九點三, 就叫佢哋起身準備. 食完早餐, 我哋就出發喇喂!! 起初只係諗住去Ecole Jules Verne, 因為其實我唔知Ecole de Jean de la Fontaine响邊.... 點知去Ecoles Jules Verne 途中就見到Jean de la Fontaine學校. 咁就去呢間啦!!


一入到去, 唔肯定係咪已經開始,  問問旁邊d人, 佢地話係, 不過溫馨提示, 每個小朋友最多唔好攞走超過四隻蛋, 因為要盡量令到每個之後嚟搵蛋o既小朋友都有得搵, 如果唔係, 相信呢個活動唔駛一個鐘就可以收檔喇!! 哈哈.....

既然已經開始咗, 班細路就唔客氣喇, 佢哋跑來跑去, 好努力咁去搵蛋.
 

 



d蛋都放得好張揚吓, 唔係好隱蔽o既啫......
 

 



咁多人搵, 梗係要有人放返d朱古力先可以長搵長有啦!!
 

其實一人四隻蛋, 話咁快就搵完啦, 不過佢哋又邊有咁聽話吖!? 個個都攞超過四隻啦!! 我見其他細路攞得仲多啦!! 之後我都禁止佢哋再攞喇, 真係要留返d俾其他小朋友..... 所以搵完蛋, 佢哋就開始响度玩.
 

 

 

起初諗住俾佢哋玩多陣就返屋企, 不過時間又尚早, 就同佢哋去埋另外嗰間學校.
 

今次呢間學校最多可以每人攞五隻, 入到去, 又即刻開工喇!!!

 

 

 

嘩..... 俾天悅搵到隻大嘢!!

 

話咁快, 又搵齊五隻.....
 

朱古力隨地可見 

 

 

呢間學校冇嘢玩, 所以搵完就走lu, 門口個madame好好人, 每人又俾多好多隻朱古力呢!!

 

  

滿載而歸, 返到屋企, 就梗係數吓d戰利品有幾多啦...... 嘩~~ 今次有排食呀!! ^^

復活節晚餐

2012年4月7日(星期六)

雖然聽日先係復活節正日, 但我哋提前一日慶祝, 因為今日有人嚟.....

其實都冇乜特別, 只係整咗個salade同蛋糕, 氹吓班細路開心啫!!

 

 

雙色櫻桃樹

2012年4月5日(星期四)

屋企附近有棵櫻桃樹好靚好得意, 係上年呢個時候去接班細路放學時發現架.

點解話佢得意呢?? 因為喺同一棵樹上有兩種唔同色o既櫻花, 我諗應該係有人做咗手腳啦!! --- 接枝.

依家又係櫻花盛開o既季節, 見返呢棵靚靚樹真係開心, 決定每年都要同佢影返張相做留念先得. ^^