窗外的彩虹

2月24日(星期三)

早上好好太陽, 到咗兩點幾開始落雨, 都落得好大吓.

點知, 三點半時又突然雨過天青, 太陽又出來了..... 

仲見到彩虹tim, 好大條, 好靚啊 !!!   

可惜呢條彩虹只係出現咗幾分鐘,

好快, 又變返傾盆大雨.

真係天有不測之風雲...

告別熊仔衫衫

2月24日(星期三)

好鐘意天慰妹妹呢件熊仔衫, 每次佢著, 都好多人讚佢得意.

而且呢件衫衫好柔軟, 摸落去好舒服.

可惜.... 總會有唔啱著o既一日....

由於天慰越來越高, 衫衫就越來越頂腳.

著埋今次, 件衫要入櫳喇 !!! 真係唔捨得. 

P.S.: 件衫衫好似係Les Hallermayer送...

天慰第一隻牙仔

2月17日(星期三)

天慰妹妹第一隻牙仔終於蒲頭喇!!!

天欣搞笑對答 II

2月15日(星期一)

天欣又爆笑, 佢同天悅天樂講 --- moi l'a ça.

自己mok牙 --- 第四隻

2月12日(星期五)

今日中午去接d細路放學, 離遠見到天悅笑笑口, 覺得佢好似有d唔同咗,  睇真d --- 原來隻右門牙甩咗!!!

問佢係咪上堂時mok?? 佢話係星期三晚.... 吓??? 點解我唔知架???

係佢第四隻自己mok o既牙喇!!! 勁!!!

天慰妹妹一歲生日

2月5日(星期五)

不經不覺, 天慰妹妹一歲喇!!! 生日快樂, 身體健康妹妹.  

唔想大搞, 淨係我哋自己一家六口慶祝, 整咗個海綿蛋糕仔. 可惜我本甜品書仔自從搬屋後仲未出現. 所以要上網揾食譜, 好在味道都唔錯.

天慰仲未識自己吹蠟燭, 要我同哥哥幫口.

食完蛋糕後, 天悅攞住部相機係又影, 唔係又影....

我家o既四小福

哎呀.....