足足十年喇....!!!

2011年1月26日(星期三)

呢個廚房水龍頭, 如果淨開熱水, 大約五秒鐘後, 水會自動收細, 要扭大d, 水流就變返猛d, 再過五秒鐘後, 水會再收返細, 又要重覆以上動作, 大約四五次後, 水流先會穩定, 唔駛再扭來扭去.   就係咁, 唔經唔覺用咗年幾......

終於..... 頂佢唔順喇!!!!!

十年前响Helene屋企, 第一次見到佢個廚房水龍頭, 已經好鐘意, 好想擁有一個. 但係我哋用緊嗰個又未壞, 唔想無端端換個新o既咁浪費. 直到搬咗嚟新屋, 遇著呢個咁鬼煩既水喉.... 不過我都算係咁啦, 忍咗一年零九個月!!!

今日, 終於得償所願. 同老公去買咗返嚟(53€), 用咗個幾鐘, 終於裝好喇.....

由於可以拉出嚟好似花灑咁用, 又真係幾方便喎!!! 

可以用一個字形容佢 --- "正"

又再 5 stères 木

2011年1月8日(星期六)

又要再買木..... 今次我哋訂咗5 stères既軟木 (40€/stère), 即係呢d木冇杉木, 橡木, 樺木等質地咁堅硬, 所以價錢都較平, 但聽講會燒得快d.

 好唔好, 就要用過先知喇!!!

因為得老公一個人搬, 所以用咗成五個鐘先搬晒入後花園, 辛苦晒....

發髦

2010年12月31日(星期五)

天樂問我乜嘢叫做生CANCER????

我話: 譬如個心度, 有d細菌入咗去, 搞到個心病咗囉....

佢話: 咁係咪即係個心發髦呀???

小朋友, 真係可愛!!!