2011年5月30日(星期一)
到底 Facebook呢個網站, 係好定係唔好呢???
點解咁問??? 因為最近聽到一個好驚人o既消息, 其實都令我有d唔係咁開心 ----
一對以前响教會認識o既模範夫妻, 雖然已經一把年紀, 但平時總係糖黐豆咁, 相當恩愛, 仲有五個仔女添!!! 記得佢哋請過當時仲係單身o既我食飯, 又教我點整mayonnaise, 同參觀佢哋自給自足o既農場. 真係好羨慕....
不過因為個太太响 Facebook到遇返前度男友, 佢瞞住個老公, 同前男友偷偷見面, 仲"返tak"咗添, 最後仲跟佢走埋.... 可憐個老公日日以淚洗面, 唔可以相信呢個事實, 可能鑽咗入牛角尖, 選擇以上吊嚟結束生命!!!
希望呢d咁唔開心o既事, 唔好再有啦....