2010年11月27日(星期六)
今年度第四次婦女會活動, 係响Melun醫院附屬o既老人院唱歌,
因為聖誕節快到喇!!! 我哋當然係唱聖誕歌.
大約有二十幾個公公婆婆嚟咗聽, 之後大家仲一齊唱,
雖然我哋影印埋歌詞俾佢哋, 不過好似冇好多公公婆婆可以邊睇邊唱,
因為佢哋d眼力唔好, 歌詞又太細粒.... 可惜!!!
但係佢哋都好感激我哋嚟探訪.
唱完歌後, 我哋將自己帶去o既蛋糕同飲料分俾佢哋食, 陪佢哋傾計....
仲有對上一次活動整o既暖包同聖誕卡, 都派晒俾佢哋.
大家都覺得好開心....
不過..... 我覺得佢哋個個都好可憐, 好寂寞咁,
希望我同老公將來都冇機會入老人院住啦!!!