收成篇 --- 第一隻Courgette

2010年7月25日(星期日)

 收成喇.... 收成喇......

種咗三個月o既courgette, 終於有得食喇!!!!

今次係我第一次種, 亦係第一隻收成o既角瓜(courgette).

重1,680kg.

有機嘢, 仲係自己種添, 梗係覺得特別好食啦!!! 

真係好有滿足感同自豪感.  

响香港好似未見過呢隻瓜賣,

個中文名都係响paris store見到譯做"角瓜".

飛

2010年7月20日(星期二)

近排天氣越來越熱, 天樂一日到黑响度問.... "我哋幾時去游水呀???"

我同佢講, 等遲d買咗泳池飛先啦!!!

然後佢個樣好疑惑咁問....  買咗d飛係咪插喺個背脊度呀???

今次到我唔明白喇.... 諗咗一陣.

哦!! 我諗佢以為d飛係翼, 插咗喺背脊後, 好似天使咁飛啩.....  

我的太陽花

2010年7月12日(星期一)

種咗近三個月o既太陽花, 琴日終於開喇!!!! 好靚好高好大朵....

如果唔係前排成日落雨, 多咗好多鼻涕蟲出嚟,

食咗我九棵太陽花苗o既話,  應該會仲有多d花花睇.

唉.... 算啦!!! 都係耕種經驗, 所謂: "經一事, 長一智", 唯有出年種多d囉!!!

天慰出水痘

2010年7月1日(星期四)

繼兩個星期前天欣出水痘後, 今次輪到天慰妹妹喇!!!!

由於佢仲細, 話唔到聽, 一痕就會拗, 有唔少粒粒拗穿咗....

希望唔會有好多明顯疤痕啦!!