2010年9月25日(星期六)
一個唔係好好天o既朝早, 加一班唔係講法文o既工人嚟到屋企, 開始幫我哋安裝十四塊太陽能發電板.
可惜忙住準備教會今日婦女會活動, 所以冇時間影佢哋安裝o既過程....
活動完咗之後, 返到屋企, 己經係咁o既樣喇!!!
一日就搞掂, 厲害!! 
不過仲未用得住, 要等電力公司嚟駁電錶, 先可以開始計算收集到幾多電能, 聽講要等起碼三~六個月. 真係等到頸都長.... 冇偈啦, 鬼叫我哋响法國咩!!!
2010年9月17日 星期五
5 stères木
2010年9月17日(星期五)
今個冬天我哋訂咗5stères木嚟過冬(46e/stère, 同上年一樣), 連埋之前用剩o既1.5 stères, 共6.5stères都應該夠晒用.
起初約好送貨時間係中午兩點前到, 點知琴日個司機來電
, 話中午唔得閒, 只可以朝早送來, 唯有叫佢8點前到啦!!
大約8點10分嚟到門口. 不過今次架貨車好大架, 用咗最少十分鐘先入到嚟, 又用咗成五分鐘將d木倒出嚟, 再加上俾錢o既時間 (好在Jean-Marc過嚟幫手睇位同處理後事)..... 
最後要趕d小朋友上車, 以最快速度標去學校, 雖然仲未鎖門, 但應該都係最尾入去嗰三個!!! 
本來想等老公放工返嚟先放好堆木, 不過鄰居Jean-Marc夜晚有事要出去, 但係又好想幫手搬, 所以好積極咁, 中午就過嚟問開始搬未... 所以就快d爬埋啖飯, 開始勞動. 用咗個幾鐘頭, 終於搬晒入後園. 但係我就用咗差不多三粒鐘嚟清理屋內外o既木屑. 攰C人. 
由於時間好趕, 完全唔記得影相, 呢相都係開始將d木搬入屋後, 搬淨o既一半 
之前d木係放入地下室, 不過時間耐咗, 發現生咗好多嘢出嚟飛來飛去, 搞到要用兩支滅蚊燈都未完全消滅得晒, 所以今次我哋存放响屋後, 希望唔會再有呢個問題出現. 不過放响屋外都有唔好處 ---- 落雨就濕, 唔夠乾就好難燒.
天慰妹妹雖然未識幫手, 但係都冇阻住我哋做嘢, 乖乖.
訂閱：
文章 (Atom)