每年嘅三月初開始, 我哋呢一區都會有好多蟾蜍(癩蛤蟆)出現.
因為附近有個樹林, 離樹林不遠處又有一個水溏.
每當冬季末, 呢班冬眠完畢嘅蟾蜍, 就會開始從樹林跳到去水溏.
做乜??
咪就係去生BB囉!! 
唔係我作架, 連維基百科都係咁講.... "蟾蜍雖然在陸地生活，但產卵時必須找一個合適的水塘，雄性負責尋找合適的水體，雌性被其叫聲吸引，體外受精，卵在水中發育成蝌蚪，以水藻為食，成體捕食昆蟲、蝸牛等，一般為夜行性動物，冬季在泥底冬眠。"可惜由樹林到水溏, 要經過兩三條馬路. 蟾蜍往往就係响馬路魂斷車底 --- 俾車轆扁. 每年大大話話都c幾千隻架.
每日同班細路返學放學時, 都要好小心睇清楚條路先行架. 有d個c狀真係恐佈到呢.... (仲記唔記得三年前嘅滅門慘案呢??)
對大部分人嚟講, 蟾蜍啫， c多一隻唔多, c少一隻唔少.
不過呢個世界, 仍然有唔少有心人架. 睇吓佢哋為蟾蜍而製作嘅警告板幾得意.... (用以呼籲駕車人士小心慢駛)
除咗呢d警告板之外, 我仲見過幾次, 响綿綿細雨之下, 有人頭戴鴨舌帽, 身穿瑩光背心, 手拎曲奇餅罐... 又做乜?? 協助蟾蜍過馬路呀!!
因為每每响落雨嘅時候, 特別多蟾蜍出動, 好多係BB蟾蜍嚟架, 細到好似一塊指甲咁大, 唔留心睇, 真係唔知踩c咗幾多隻
. 所以就有呢d保育人士出嚟, 將蟾蜍bb執起放入罐, 集埋一堆後放返入水溏. 咁d大隻蟾蜍呢?? 咪截停d車囉... 好在呢條馬路唔係好繁忙. 
話時話, 今年情況好唔同, 已經三月尾喇, 我只係見到十多隻被轆扁既蟾蜍咋, 真係好唔正常. 好似佢哋仲冬眠緊咁, 唔識得出嚟呀!!
無偈, 天氣反常嘛. 我哋一定要珍惜同保護地球呀!!
估吓呢隻鹿賣幾多錢??
