2010年4月24日(星期六)
上星期六播完種, 今日足足一個星期喇!!!
睇睇有咩進展先 ---------- 
有幾棵蔥仔出咗, 不過其實佢哋係4月初種o既, d種子仲係我自己上年留架... 起初都唔肯定係咪真係種子tim, 依家可以肯定喇.... 
西蘭花, 種咗5粒, 暫時出咗兩棵. 
牽牛花, 種咗19粒, 只得一棵出咗, 好過冇啦!! 
丁香, 出咗七棵, 好嘢!!!! 
黃芽白, 都係3月中種, 本來出咗七棵, 依家剩返四棵.
又係丁香, 三月中種, 出咗真葉.
今日再種咗d紅蘿蔔種子落田, 同五粒courgettes + 15粒向日葵响盆.
希望下星期有苗仔, 可以影相啦.....
2010年4月20日(星期二)
要送俾Soeur Wilson張被仔, 下晝終於整好喇!!!
呢個款o既被仔已經整咗三張, 所以手工越來越好. 正常o既, 熟能生巧嘛!!!
今個星期日就會將佢送出去, 希望Soeur Wilson會鐘意啦... 
琴日應承咗對面個鄰居Magali, 會俾張被仔佢睇.
所以下晝攞咗過去, 佢都話好靚....
我答應如果佢做人仔成功o既話, 都會送一張俾佢.
2010年4月21日(星期三)
上年約七八月時, 放咗兩粒Framboise落個盆仔度種, 一直都未見有苗仔出.
點知喺四月初, 見個盆仔有堆嘢生出嚟... 
原來就係嗰兩粒嘢呀!!!
好在之前喺個盆度mark低種咗d咩, 依家尚可隱約見到寫住Framboise.
見d苗仔越來越大棵, 個盆又真係太細, 所以今日同佢哋換咗個大盆, 希望佢哋生生性性, 快高長大啦喂!!!
2010年4月21日(星期三)
天慰妹妹第二隻牙仔都出到好長吓lu.... 
第三隻响上面準備出嚟.
佢近排唔係好舒服, 成日打乞痴同流鼻水, 上個星期仲發燒tim, 睇咗醫生, 話係因為出牙仔喎!!!
2010年4月17日(星期六)
琴日話過今日要鋤大d塊田同播種.... 用咗兩個幾鐘頭, 終於搞掂喇!!! 
遲d要用圍欄圍住佢, 我諗會好睇d.... (希望)!!
自從上次打風打到個溫室仔訓响度, 一直都唔想去執. 而且上年種完d番茄殘骸仲响入面, 場面非常混亂. 難得興起, 就趁今日一次過清理晒佢....
將d唔要o既殘骸掉咗之後, 鬆完舊土再加返d新土, 種咗幾樣種子:
紅蘿蔔, 直接放入田. 
溫室仔上層: 荷蘭豆, 黃芽白, 丁香, 青椒 
溫室仔中層: 蔥, 矮瓜, 西蘭花, 牽牛花
溫室仔下層: 芫茜, 南瓜, 一棵丁香
琴日, Brigitte幫我將d花移咗落出面個圍欄度: 鳶尾花, 不知名花
上次喺Truffaut買o既假花: 牽牛花, 蘭花, 芍藥(真嘢)
上年喺Truffaut買o既果樹近況, 相信今年全部都會有得食:
黑加侖子, 覆盆子, 西梅, 車厘子
上年响田種o既蒜同蔥, 今年移咗落盆:
