開闢小小士多啤梨園

2012年3月31日(星期六)

上年買咗幾棵士多啤梨, 分別種响兩個盆入面..... 冬天過後, 佢哋又復生喇!!! 而且仲生到落去個草地度添, 呢d傢伙生命力真係強, 而且又粗生. 諗諗吓, 不如幫佢哋開闢個小小天地, 等佢哋可以响地上生長, 總比响個盆度好得多. 話唔定今年會有意想不到o既收穫呢!? ^^

所以琴日車完天悅去gymnastique, 我同天欣+天慰+天禧去咗Leroy Merlin行街街, 其實最主要o既目的係想買幾舊靚靚o既圍邊石, 用嚟分隔開個草地同士多啤梨園. 諗嚟諗去, 最後就買咗四舊弧形石 (8€99/pc).

趁今日下晝冇乜太陽, 老公同天樂又出咗去幫人搬屋, 我同天悅就快快去開工喇喂!!! 弊... 掘掘吓地先醒起, 開工前唔記得影返張相做整容前後o既比較, 失策!!! 即刻叫天悅快d去攞部相機出嚟.

呢四舊石都唔輕架, 因為係用水泥做, 要將佢哋砌啱位, 原來一d都唔簡單.


最麻煩就係要將d草掹晒出嚟, 但d根又生得鬼c咁實, 好在有個assistant幫手啫. 
 

倒咗桶兩年前整o既廚餘入泥, 再冚多層泥. 將十幾棵士多啤梨種返上去, 搞掂!!!


睇真d, 大棵o既已經有花lum喇, yeah!!  


連甲蟲都比我哋d花花吸引到呀 ^^


天禧妹妹好乖, 成程都响度陪住我哋.


雖然個匡匡唔係好大, 但係都搞咗我哋差唔多三個鐘先至完成, 真係成身散晒呀!!! 我對佢哋咁好, 希望佢哋都生生性性, 結多d果果俾我哋食啦!! 又可以用d嚟整草莓批同果jam, 諗起都開心.... 我班細路勁鐘意食士多啤梨呀!!! ^^

天悅十歲生日(一)

2012年3月21日(星期三)

真係唔經唔覺, 天悅已經十歲女喇!!! 個女越來越大, 我就越來越老. 到底開心好, 定唔開心好呢??  有時做人真係好鬼茅盾架....


踏入雙位歲數, 咁啱又係星期三唔駛返學, 梗係請幾個同學仔返嚟, 一齊慶祝吓啦!! 成班細路玩咩好?? 咪又係wii囉!!
 

所以話, 幾時都係童年時代最開心, 生活無憂無慮, 年年生日都有生日會. 難為我呢個阿媽, 幫佢整蛋糕整到零晨三點鐘啊!!! 不過做阿媽o既, 都係想班細路開心啫.... 見到佢哋玩得開心, 即係我自己都開心囉!! ^^


又係吹蠟燭o既時候喇..... 1, 2, 3 Joyeux anniversaire.... 天悅
 

好嘢, 終於有得食.
 

 

 

食完就梗係開始拆禮物啦....
 

 

再繼續玩玩食食之後, 呢個生日會就咁結束咗喇!!!......

到咗夜晚, 輪到我哋自己一家人慶祝, 用返今日剩低o既cupcakes, 又吹多一次蠟燭, 真開心. ^^


又係拆禮物o既時間, 呢份係我同老公送o既.
 
 
 

登~登~登~櫈~ 係相機一部.


希望你鐘意, 大個女喇..... 要乖呀!!!