買到平嘢！

2013年12月19日(星期四)

最近上網睇咗好多款藍牙耳機, 因為想買多隻平時粗粗地用.

前兩日收到amazon e-mail, 咁啱佢哋嘅藍牙耳機做緊promo.

見到Philips有款由70€99減到49€99, 呢款我之前都有研究過,
真係買咁貴架!

而家減咗咁多, 唔買真係會後悔, 即刻落單…

兩日後, 叮咚 ~~~

好嘢! 好開心可以足不出戶就買到平嘢, la vie est belle, non? ^^

小禮物



2013年12月17日(星期二)

上埋今次長笛堂就開始放聖誕新年假lu, 我都冇諗起要送嘢俾老師，反而老師卻有禮物送俾我....

原來係聖誕老人朱古力同迷你匙扣

 朱古力送咗俾班細路食, 吊墜就掛响長笛袋嘅拉鍊, 好靚呀!

多謝!!

收菜

2013年6月14日(星期五)

我的菜菜越來越大喇, 係時候摘大塊既葉嚟食lu....



呢D咁重要既任務就梗係由班細既負責啦!!

  

就係摘左咁多喇....

  

望落好似好多, 可惜炒完就唔見食, 不過味道真係ichiban呀!!

 

荷蘭豆

2013年6月18日(星期二)

今年係我第二次學人種荷蘭豆, 不過係第一次成功種到出豆....

 

第一次係兩三年前喇, 直接種入泥, 不過冇嘢出. 

今年就先响盆度發芽再移苗, 因為荷蘭豆係"欄"籐,

法國四五月都仲係好凍, 唔可以咁早種入田,

所以種响個膠箱, 插竹仔俾佢哋欄.

又由於係咁, 唔可以再移返入田....

其實我都知道係唔夠泥俾佢哋生長, 不過真係冇偈.

可以種到有收成, 已經好心滿意足, 就當係攞個經驗囉!!

今日摘左六條, 算係好嘅開始呀!!(氹吓自己開心)  

骸骨發現案

2013年6月5日(星期五)

繼上星期發現田鼠C體, 今日又發現有骸骨呀....

由於近排屋企有大工程, 班工人响個閣樓度日揼夜揼.

將沖涼房天花板個通氣喉蓋都揼鬆咗.

好多藏响入面嘅垃圾跌晒落嚟.

呢d咁嘅嘢, 我就梗係等我個好老公返嚟至執啦!!

佢掃完地下d垃圾後, 順手清理埋條通氣喉.

發現有堆嘢塞住响個窿度, 用手攞佢出嚟睇睇....

嘩 嘩 嘩!! 係一堆枯葉同兩隻雀仔嘅骸骨呀!!

老公話應該係佢哋飛咗入條喉裏面又飛唔返出去,

結果就餓C咗, 真係慘!!!

真係好在唔係我去善後咋, 唔係一定嚇C我....

不請自來

2013年6月6日(星期四)

今年嘅士多啤梨有好多花花 ~~



多花花即係多果果啦!!

  

 天氣轉晴, 果果陸續變紅喇!!

不過, 第一粒摘落嚟嘅, 居然係啤佢食咗呀..... 嗚嗚嗚!! 

C體發現案

2013年6月3日(星期一)

由於屋企後面係樹林, 所以間唔中後花園都會有田鼠嚟幫襯.

尤其是秋天時份, 成日都俾佢哋搞到一堆一堆泥挖起晒, 真係好唔鐘意!!

老公話可能有隻田鼠响我哋個花園下面住喎!?

今朝, 諗住出去望吓我d瓜瓜菜菜.

嘩 嘩 嘩 !!!....

C田鼠呀..... 真係差d俾佢嚇C ~~~

即刻走返入屋, 等老公返嚟幫佢收C.
 
話咗俾班細路聽, 佢哋好興奮咁問: "得唔得出去睇呀??"

其實我唔係好想, 污糟邋遢, 有乜好睇啫??

不過為咗滿足佢哋嘅好奇心, 就批準咗.

五分鐘之後, 見佢哋咁耐都未返入屋, 就出去睇吓啦....

撞鬼咯, 班人圍住隻嘢, 攞枝樹枝去篤佢呀!!!
 
天慰仲用手指篤添呀!!!

真係俾佢哋激C. @@

老公處理隻嘢時, 叫我先影返幅相, 佢話田鼠唔係咁容易見到喎!!

********************************************************

兩個月前, 我買咗個驅田鼠器 ~~

部機係隔10秒就會發出一個長達5秒嘅聲音,

說明書話呢種聲音頻率可以驅趕750平分米以內嘅田鼠or老鼠等.

食飯時, 老公話可能係部機有效, d聲音煩到隻嘢走上嚟C喎!!

希望係真啦....
 
因為之前我响度諗, 係咪部機冇效呢??

又話趕走d衰嘢, 但係隻田鼠係C响部機半尺遠咋....

真係要長期觀察先知有冇效.

薯仔滿月

2013年5月16日(星期四)

因為鄰居Claudine話薯仔好易種, 所以今次係我第一次試種.

佢都講得好啱, 我冇乜點理過稞薯仔, 只係簡中淋吓水. 

今日啱啱好滿月, 睇吓佢生得幾靚仔 ~~

考慮緊好唔好將佢移入田度種呢!?

種植框框

2013年5月14日(星期二)

因為懶得鋤地同掹野草, 唔想再直接响地上種嘢.

所以, 老公幫我揼咗個木框(不過手工真係麻麻地).  

 

終於買齊需要嘅泥~~

  

撈起....

 

 

响法國種嘢, 人哋話要過咗5月13號先可以將幼苗移落地種. 因為13號之前, 夜晚結霜嘅機會好大.  我諗係好似中國人話: "未食五月糉, 寒衣未入櫳"啩!!

前年我就係太早種咗落地, 一晚就凍c晒.... 所以今年醒目咗, 一於14號啦!!

搬屋前, 擠迫戶....

搬屋後

 

生生性性呀!!!