最後的晚餐(今年)

2010年8月14日(星期六)

我個妹聽日就飛返香港喇!!!

下午帶佢去咗凡爾賽宫,

之後諗住去餐廳食佢今年响法國o既"最後的晚餐".

起初, 我哋打算去十三區食, 順便帶佢參觀一下巴黎o既唐人區. 

點知, 由於我哋架9人van又長又高....

想泊停車場又高得滯唔入得, 想泊街邊又冇咁大個位.

兜來兜去.... 一小時之後, 仲响度揾緊位!!!!

我哋全部人都頂唔順, 因為又急又肚餓.

結果都係要去返市郊o既亞洲餐廳....

其實我淨係想食碟正正宗宗o既乾炒牛河啫,

可惜呢間係d越南 / 柬埔寨華僑開o既餐廳,

講咗好耐, 佢哋都唔知咩係乾炒牛河.... 唉!!!   失望!!!

唯有求其叫幾味啦..... 好在味道都算ok.

收成篇 --- 蕃茄

2010年8月14日(星期六)

上年, 種咗約二十棵蕃茄, 有超過成百隻果.

可惜因為太遲開始種, 幾乎全部果都仲係綠色就凍僵晒, 可以話係得個吉.

得此教訓後, 今年四月就開始落種....

總係覺得蕃茄係可以好快開花結果, 但係要等到隻果由綠色轉為紅色,

 就真係等到頸都長.

由於早咗種, 終於响八月初開始轉色.

今日中午, 老公幫我摘咗四隻最紅o既做沙律,

Hummm...... 真係特別甜過响超市買個d呀!!!

係真架....

有機素魚翅瓜絲羹

2010年8月10日(星期二)

前兩日煮咗半隻魚翅瓜, 仲剩返半隻.

琴日, 又上網揾到另一個食譜 --- 有機素魚翅瓜絲羹  

  好好味呀!!!! 每人飲咗起碼三大碗呢!!!!!

收成篇 --- 第一隻魚翅瓜

2010年8月5日(星期四)

琴日終於摘咗喇!!!!

隻魚翅瓜响個田度已經有個半月, 期間成日諗.... 到底點煮好呢???

今日上網揾食譜, 終於煮咗呢碟餸.