C田鼠呀..... 真係差d俾佢嚇C ~~~
即刻走返入屋, 等老公返嚟幫佢收C.
話咗俾班細路聽, 佢哋好興奮咁問: "得唔得出去睇呀??"
其實我唔係好想, 污糟邋遢, 有乜好睇啫??
不過為咗滿足佢哋嘅好奇心, 就批準咗.
五分鐘之後, 見佢哋咁耐都未返入屋, 就出去睇吓啦....
撞鬼咯, 班人圍住隻嘢, 攞枝樹枝去篤佢呀!!!
天慰仲用手指篤添呀!!!
真係俾佢哋激C. @@
老公處理隻嘢時, 叫我先影返幅相, 佢話田鼠唔係咁容易見到喎!!
********************************************************
兩個月前, 我買咗個驅田鼠器 ~~
部機係隔10秒就會發出一個長達5秒嘅聲音,
說明書話呢種聲音頻率可以驅趕750平分米以內嘅田鼠or老鼠等.
食飯時, 老公話可能係部機有效, d聲音煩到隻嘢走上嚟C喎!!
希望係真啦....
因為之前我响度諗, 係咪部機冇效呢??
又話趕走d衰嘢, 但係隻田鼠係C响部機半尺遠咋....
真係要長期觀察先知有冇效.