2011年2月26日(星期六)
今日o既節目, 係行宜家傢俬.... 其實最主要, 係想買盞燈+掛牆櫃仔俾我張書枱用. 之前响宜家網頁已經睇啱款同尺寸.
平時我哋都係去開 Evry Ikea, 不過今次轉咗行 Villiers S/Marne 嗰間, 一來換吓新環境, 二來回程時順便去 Lognes o既 paris store上倉.
估唔到, 一行就行咗三個鐘, 行到個肚都打晒鼓, 好在佢哋有小賣部, 每人食咗個menu, 又經濟又夠飽.
除咗買到盞燈同掛牆櫃外, 仲有其他戰利品, 總共99,59歐元找數. 不過返到屋企先發現, 原來佢哋做緊promo, 有 Ikea卡o既話, 凡買滿100歐元, 就即減10歐元. 激c!!! 
之前
之後
2011年2月22日(星期二)
响法國, 每個bb出世前, 必定要照三次超聲波, 目的係睇吓bb仔响肚入面o既進展如何.
第一次照係有咗之後兩個月, 第二次係五個月, 第三次就係第七個月.
****************************************
唔經唔覺, 我又到咗照第三次超聲波o既時候喇....
咁即係話, 我家o既五小福, 仲有兩個月就會出世!!!
平時照開嗰間診所搬咗, 雖然搬得唔遠, 但由於唔係好知道正確o既位置,
加上又冇位泊車, 最後遲咗成半個鐘....
好在佢哋話我唔係第一個因為呢個原因而遲到. 
****************************************
今次呢個bb, 好鐘意同我哋玩 cache-cache, 硬係唔肯俾我哋睇佢個樣.
d手腳遮住晒塊面仔, 剩係見到一隻眼同個鼻哥咋!!!
可能係怕羞啦!!! 話晒人哋都係女仔人家嘛!!! 
唔緊要, 仲有兩個月就見到你喇!!! 好期待你o既來臨.
Bienvenue ma fille
2011年2月9日(星期三)
光污染, 真係好影響睡眠o既素質.
而我自己亦好怕訓覺時俾d光瞪住雙眼, 所以每朝當太陽光照到窗口時, 我就會開始訓得好差. 尤其係如果下晝想訓吓晏覺, 一係背住個窗訓, 不過唔轉身又唔舒服, 一係用條毛巾遮住雙眼, 始終都係訓得唔好. 其實可以柵volet, 但吓吓都要打開個窗, 伸出半個身去拉嗰兩隻volets入嚟, 用完又要推返出去勾好, 好似好大工程咁, 而且柵咗成間房又變得漆黑一片, 伸手不見五指, 呢種感覺我又唔係好鐘意.... 總之就係煩啦!!!
仲有呀!! 夜晚間房開著燈時, 硬係覺得人哋望得到入嚟, 好冇私隠咁....
之前有換窗公司o既人嚟推銷過佢哋d好巴閉o既頂級搖控開關volet, 講到d用料天上有地下無, 仲話可以用足一世都唔爛.... 一世喎!! 佢唔爛我都厭啦!!! 仲要兩千歐元, 唔值唔值!!! 
有諗過想裝百葉簾, 又未搵到啱o既尺寸, 又怕有塵難清潔. 
最近剿返幅布簾, 係以前舊屋個廳窗用開, 後來因為將d木框窗換過晒做pvc框, 就連個鋁質volet都換埋pvc, 幅布簾尺寸就唔再啱用, 仲俾我打咗入冷宮添.... 既然佢又出返嚟, 即管試吓個size啦.... 咦?? 長度又啱啱好喎!! 濶就係濶咗好多, cut咗佢都ok喎!!! 而且呢隻布料都唔算薄, 就算遮唔晒d太陽光, 起碼都會另到間房暗d, 肯定人哋又望唔到入嚟.
用咗兩三個鐘, 終於修改啱個尺寸, 放返晒d勾勾同圈圈, 燙好.... 剩係等老公得閒幫我据條軌同安上去.
三日之後....
終於大功告成!!!
我都幾滿意.
2010年2月5日(星期六)
天慰妹妹今日有兩歲喇!!! 
由於我哋小朋友多, 成日都會有生日, 所以唔似得人哋嗰d咁寶貝, 又大肆慶祝, 又有一大堆禮物....
除咗大女天悅, 一歲同兩歲生日時, 請晒成棚親戚返屋企慶祝之外, 依家都幾乎只係整隻好簡單o既蛋糕, 自家人圍內唱吓歌仔, 吹吓蠟燭咁就算.... 有時連禮物都冇架!!! 尤其係天慰妹妹只得兩歲, 禮物對佢嚟講, 可以話毫無意義可言啦 (我覺得)!!!! 
今次都唔例外, 都係用以上o既方式嚟慶祝 --- 自家蛋糕 + 唱歌仔 and then 吹蠟燭 en plus 冇禮物囉!!!
唯一唔同o既, 係今次呢個蛋糕, 由老公親自泡制...
出爐之後.... 好香喎 + 好似好成功
不過.... 
反轉睇吓先, 大鑊, 未熟添 
唯有放返入焗爐, 焗多15分鐘囉.
好在, 最後都算ok啦!!! 
準備, 1 2 3....
Joyeux anniversaire
Joyeux anniversaire
Joyeux anniversaire Emma
Joyeux anniversaire
