KitchenAid 攪拌機

2012年2月28日(星期二)

早上11點幾, 叮咚..... 郵差先生終於捧住我上星期上網買o既"玩具"叫我簽收喇!!! Yeah.... 等咗幾日, 真係等到頸都長晒. 所謂既玩具, 就係我部KitchenAid攪拌機.

 

買呢部機主要既目的係要嚟搓麵團, 因為最近愛上左整麵包. 冇辦法啦!! 人在異鄉, 真係好掛住香港既麵包, 尤其是我自己有五年冇返過香港, 所以咪上網學吓點樣整囉!! 每當成功整出鬆軟好食既麵包時, 見到班細路食得好滋味, 自己又會覺得好開心同好滿足.

但係搓麵團呢個工序真係要用好多時間, 由其係加左牛油之後, 真係搓到頸梗背痛, 個麵團都未可以拉出薄膜. 所以就決定要買部機返嚟幫幫手喇!!

收到部機冇幾耐, 我就開工喇!!! 果然, 真係一分錢一分貨, 部機好靜, 因為夠重而唔會郁嚟郁去, 而且大約30分鐘, 就搓出又滑又靚既麵團. 真係一d都冇後悔買呢個牌子. 亦不枉我用左兩日時間上網搜集資料.

第一次做既功課, 就係呢d奶油餐包仔喇..... 好成功兼好好味啊!!!!!!!

 

天禧爬蟲蟲

2012年2月26日(星期日)

天禧終於都識得向前爬爬喇.... 好似條蟲蟲咁, 好得意!!

以後上落樓梯, 都要記得柵住個欄啊!!!!

菠蘿包

2012年2月16日(星期四)

前幾日, 天樂同我講: "媽咪, 我好想食菠蘿包呀!!!"

我答佢: "我都係呀, 我五年冇食過喇.... "

就係咁, 促使我上網摷食譜. 果然有唔少有心人仕o既分享 . 所以近排都好努力咁鑽研.

起初整出嚟o既都幾硬kaukau架, 因為d乾yeast成日都發唔大. 不過雖然係硬d, 但個味道都有6成似, 我已經好心滿意足喇!! 後來又轉用新鮮yeast. 之後每整一次, 個樣同味道又好dd.... 今次係第五次喇, 都應該算係最成功, 最好味, 同最滿意o既一次. 

 

 

好開心呀, 以後想食就可以自己整, 唔駛得個"恨"字. 諗落真係要多謝天樂呢!!!

 

情人節 2012

2012年2月14日(星期二)

忙忙忙, 一早開始準備今晚用嚟慶祝情人節o既配角 ---- 心型蛋糕.

其實只係諗住整心型, 但要點裝飾個蛋糕呢?? 毫無頭緒..... 都係邊整邊諗, 最後就整成咁喇!!!


以下係我班情人, 咦.... 天禧呢??? 訓咗覺lu.....  zzzZZZZ

我o既情人節禮物

JOYEUSE SAINT VALENTIN

新洗衣機

2011年2月10日(星期五)

終於買咗喇..... 因為難得有11公斤o既洗衣機大減價, 唔想錯過呢個好機會, 所以雖然用開嗰架仲未壞, 但都決定要買咗佢. 本來話琴日送嚟, 結果話佢哋未有貨, 要等多日喎.....

部機一送到, 即刻攞張大被去試機, 果然, 220 x 240cm咁大張都洗得到, 正!!!

 

咁部舊機點算呀?? 唔駛驚, 我唔會貪新忘舊o既, 不竟你都服務咗我哋11年, 只係買多部返嚟減輕吓你o既負擔啫!!

 

天慰三歲生日

2011年2月5日(星期日)

我哋屋企又有生日, 今次輪到天慰, 三歲喇!!!   Joyeux anniversaire Emma.....

返完教會後, les Falzone請我哋去佢哋屋企食飯, 自從佢哋搬咗上樓後, 我都係第一次去, 好開心佢哋唔駛再住mobile home. 飯後大家唱生日歌仔俾天慰, 嘩..... 法英中西意文版呢!!!!

第一次學人整公主蛋糕, 雖然賣相"麻馬哋", 不過味道都ok啦!!! 希望天慰鐘意.

 

天慰o既生日禮物, 係我自己做o既被袋 (160x150cm).